പൊന്നിൽ കുളിച്ചൊരു ചിങ്ങം വന്നിട്ടും
കാർമേഘക്കൂട്ടിലോ മലയാളിമനസ്സ്
ജോലിയും കൂലിയുമില്ലാതെയെങ്ങനെ
പോന്നോണം നല്ലോണമായി മാറും..
പൂവിളിക്കൊപ്പം പൂക്കൂട നിറയാൻ
പലവർണ്ണ പൂക്കൾ തൊടിയിലുണ്ടേ..
കുഞ്ഞിളം തെന്നലിനൊത്തു ചാഞ്ചാടി
തുമ്പയും മുക്കുറ്റിയും കൂടെയുണ്ടേ..
ആരോടും പരിഭവമില്ലാതെ നിന്നൊരാ
ചെമ്പരത്തിയുമെത്തി പൂക്കളത്തിൽ
ഉത്സവലഹരിയാൽ പത്തുദിനങ്ങളിൽ
ഒരുമയോടങ്ങൊത്തുകൂടിയെല്ലാവരും..
ഓടിക്കളിക്കുന്ന ചെമ്പഴുക്കയും പിന്നെ,
ആടി തിമിർക്കുന്ന തുമ്പിതുള്ളൽ
നഷ്ടസ്വപ്‌നങ്ങളെ താലോലിച്ചങ്ങനെ
ഊഞ്ഞാല് കെട്ടിയെന്നോർമ്മകളാൽ.
കഷ്ടനഷ്ടങ്ങളേറെയാണെങ്കിലും,
തൂശിനില സദ്യയൊരുക്കിയില്ലെങ്കിലും
പൈതൃകമോതുമൊരു നല്ലകാലത്തിന്റെ
ഓർമ്മയായ്, നേരുന്നു,
ഓണദിനത്തിലാശംസകളേവർക്കും…
