ചില സാഹചര്യങ്ങളില്‍, നിങ്ങളുടെ രക്തത്തിലെ പ്രമേഹത്തിന്റെ അളവില്‍ മാറ്റം വരുന്നത് പലപ്പോഴും ശരീരം പ്രകടിപ്പിക്കുന്ന ചില ലക്ഷണങ്ങള്‍ കൂടിയുണ്ട്. കാഴ്ച മങ്ങുക എന്നത് എപ്പോഴും പ്രമേഹ രോഗ ലക്ഷണമായി മാത്രം കാണേണ്ടതില്ല. എന്നാല്‍ കാഴ്ച മങ്ങുന്നതും പ്രമേഹത്തിന്റെ ലക്ഷണമാണ് എന്നുള്ളതാണ് സത്യം. ഇത് നിങ്ങളുടെ ഡോക്ടറുമായി ചര്‍ച്ച ചെയ്യേണ്ട കൂടുതല്‍ ഗുരുതരമായ ഒരു പ്രശ്‌നമാണ് എന്നത് തന്നെയാണ് കാര്യം. ഒരിക്കലും ഇതിന്റെ ഗൗരവം നിസ്സാരവത്ക്കരിക്കരുത് എന്നുള്ളതാണ് ശ്രദ്ധിക്കേണ്ട കാര്യം. വാസ്തവത്തില്‍, മങ്ങിയ കാഴ്ച പലപ്പോഴും പ്രമേഹത്തിന്റെ ആദ്യ മുന്നറിയിപ്പ് അടയാളങ്ങളില്‍ ഒന്നാണ്. പ്രമേഹവും നിങ്ങളുടെ കണ്ണുകളും അടുത്ത ബന്ധമാണ് ഉള്ളത്. പ്രമേഹം എന്നത് നിങ്ങളുടെ ശരീരത്തിന് ഇന്‍സുലിന്‍ ഉത്പാദിപ്പിക്കാനോ മതിയായ ഇന്‍സുലിന്‍ ഉത്പാദിപ്പിക്കാനോ ഇന്‍സുലിന്‍ കാര്യക്ഷമമായി ഉപയോഗിക്കാനോ കഴിയാത്ത സങ്കീര്‍ണ്ണമായ ഉപാപചയ അവസ്ഥയെ സൂചിപ്പിക്കുന്നു.
ഇന്‍സുലിന്‍ ശരീരത്തില്‍ പ്രധാനപ്പെട്ട ഒന്നാണ്. ശാരീരിക ഊര്‍ജ്ജത്തിന് വേണ്ടി ശരീരത്തില്‍ അങ്ങോളമിങ്ങോളം ഇന്‍സുലിന്‍ എത്തിക്കുന്നതിനും കോശങ്ങളുടെ പ്രവര്‍ത്തനത്തിനും എല്ലാം വളരെയധികം പ്രധാനപ്പെട്ടത് തന്നെയാണ് ഇന്‍സുലിന്‍. നിങ്ങളുടെ രക്തത്തിലെ പഞ്ചസാരയുടെ അളവ് വര്‍ദ്ധിക്കുന്നതിനാവശ്യമായ ഇന്‍സുലിന്‍ ഇല്ലെങ്കില്‍ അത് വര്‍ദ്ധിക്കും. ഇതിനെ ഹൈപ്പര്‍ ഗ്ലൈസീമിയ എന്ന് വിളിക്കുന്നു. നിങ്ങളുടെ കണ്ണുകള്‍ ഉള്‍പ്പെടെ ശരീരത്തിന്റെ എല്ലാ ഭാഗങ്ങളെയും ഹൈപ്പര്‍ ഗ്ലൈസീമിയ പ്രതികൂലമായി ബാധിക്കും. ഹൈപ്പര്‍ഗ്ലൈസീമിയയുടെ വിപരീതം ഹൈപ്പോഗ്ലൈസീമിയ അല്ലെങ്കില്‍ രക്തത്തിലെ കുറഞ്ഞ പഞ്ചസാരയാണ്. നിങ്ങളുടെ ഗ്ലൂക്കോസ് നില അതിന്റെ സാധാരണ ശ്രേണിയിലേക്ക് തിരികെ വരുന്നതുവരെ ഇത് താല്‍ക്കാലികമായി മങ്ങിയ കാഴ്ചയിലേക്ക് നയിച്ചേക്കാം.
മങ്ങിയ കാഴ്ച എന്നതിനര്‍ത്ഥം നിങ്ങള്‍ കാണുന്ന വസ്തുക്കളുടെ കൃത്യമായ കാഴ്ച ഇല്ല എന്നത് തന്നെയാണ്. നിരവധി കാരണങ്ങള്‍ പ്രമേഹത്തിന് പിന്നില്‍ ഉണ്ടാകാം. കാരണം ഇത് നിങ്ങളുടെ ഗ്ലൂക്കോസിന്റെ അളവ് ശരിയായ പരിധിയിലല്ല എന്നതിന്റെ സൂചനയായിരിക്കാം. ഒന്നുകില്‍ വളരെ ഉയര്‍ന്നതോ വളരെ കുറവോ ആയിരിക്കാം. എന്നാല്‍ ഇത്തരത്തില്‍ മങ്ങിയ കാഴ്ച എന്നത് അല്‍പം ശ്രദ്ധിക്കേണ്ട ഒന്ന് തന്നെയാണ് എന്നുള്ളതാണ്. നിങ്ങളുടെ കാഴ്ച മങ്ങാനുള്ള കാരണം നിങ്ങളുടെ കണ്ണിന്റെ ലെന്‍സിലേക്ക് ദ്രാവകം ഒഴുകിയേക്കാം. ഇത് ലെന്‍സ് വീര്‍ക്കുകയും ആകൃതി മാറ്റുകയും ചെയ്യുന്നു. ആ മാറ്റങ്ങള്‍ നിങ്ങളുടെ കണ്ണുകള്‍ക്ക് ഫോക്കസ് ചെയ്യുന്നത് ബുദ്ധിമുട്ടാക്കുന്നു, അതിനാല്‍ കാര്യങ്ങള്‍ അവ്യക്തമായി കാണാന്‍ തുടങ്ങും. ഇതാണ് കാഴ്ച മങ്ങുന്നതിന് പിന്നില്‍ പ്രധാനമായും സംഭവിക്കുന്നത്.
മങ്ങിയ കാഴ്ചയുടെ ദീര്‍ഘകാല കാരണങ്ങളില്‍ ഡയബറ്റിക് റെറ്റിനോപ്പതി ഉള്‍പ്പെടുന്നു, ഇത് പ്രമേഹം മൂലമുണ്ടാകുന്ന റെറ്റിന ഡിസോര്‍ഡേഴ്‌സ്, പ്രോലിഫറേറ്റീവ് റെറ്റിനോപ്പതി എന്നിവ ഉള്‍പ്പെടുന്നതാണ്.നിങ്ങളുടെ കണ്ണിന്റെ മധ്യഭാഗത്തേക്ക് രക്തക്കുഴലുകള്‍ ഒഴുകുമ്പോഴാണ് പ്രോലിഫറേറ്റീവ് റെറ്റിനോപ്പതി. മങ്ങിയ കാഴ്ചയ്ക്ക് പുറമെ, നിങ്ങള്‍ക്ക് പാടുകളോ ഫ്‌ലോട്ടറുകളോ അനുഭവപ്പെടാം, അല്ലെങ്കില്‍ രാത്രി കാഴ്ചയില്‍ പ്രശ്നമുണ്ടാകാം. നിങ്ങള്‍ക്ക് തിമിരം ഉണ്ടെങ്കില്‍ പലപ്പോഴും മങ്ങിയ കാഴ്ചം ഉണ്ടായിരിക്കാം. പ്രമേഹമുള്ള ആളുകള്‍ മറ്റ് മുതിര്‍ന്നവരേക്കാള്‍ ചെറുപ്രായത്തില്‍ തന്നെ തിമിരം ഉണ്ടാവുന്നതിനുള്ള സാധ്യതയുണ്ട്. തിമിരം നിങ്ങളുടെ കണ്ണുകളുടെ ലെന്‍സ് മങ്ങുന്നതിന് കാരണമാകുന്നു.