ന്റെ നാത്തൂനേ
പണ്ടൊക്കെ
രമണൻ കവളപ്പാറകൊമ്പൻ
സരോജനീടെ കടും കൈ
അങ്ങൻത്തെ കവ്തോളാർന്ന്
ഇപ്പൊ……….
ബ്രാ രണ്ട് വള്ളികൾ മാത്രമല്ല
ലോകം തൂക്കിലേറ്റാൻപോരും
കുരുക്കും സൗന്ദര്യവും
എന്നൊക്കെയാണ് കവിതകൾ….
നാട്ടാര്ടെ
പെണ്ണ്ങ്ങളെക്കുറിച്ചെഴുതാൻ
ഇന്റെ ആണൊരുത്തന്
നൂറ് നാവാ…….
ഇന്നേപ്പറ്റി കമാന്ന് രണ്ടക്ഷരം
ഇതേവരെ എഴ്തീട്ടില്ല്യാ
ഇമ്മള് കാലത്തെണീറ്റ്
ദോശ മീൻകറി ചോറ്
ചെരുകല് വെയ്ക്കല് തിരുമ്പല്
അങ്ങൻത്തെ
ഓരോരോ കവിതേൽക്ക്
മൊകം കുത്തിവീഴും
ഒക്കെക്കഴിഞ്ഞ് നടുനിവർക്കുമ്പോ
മോന്ത്യാവും.
അപ്പളയ്ക്കും ടീവീല്
ചർച്ച തൊടങ്ങായി.
വയറെളകണപോലെ…….
വളീഡ്ണപോലെ…
വളുവളാന്നങ്ങനെ ഓരോന്ന്……..
ടീവീക്കാര് പെട്ടിപൂട്ട്യാ
പൊലർച്ചക്ക് പന്നീനെപ്പോലെ
മൂപ്പര് വന്ന് കെടക്കും….
പന്നികൾക്ക്
കാലത്ത് എന്താ വേണ്ട്…….
ഓരോരോ ജാവാരങ്ങള്
ഒന്ന് മിണ്ടാനും പിടിക്കാനും
തൊടാനും തോണ്ടാനും
യ്ക്കും പൂതീണ്ടാവില്ലേ……..
പാടത്ത്പണിപോലെ
നാട്ടാരെക്കൊണ്ട്
ചെയ്യിക്കാമ്പറ്റോ അതൊക്കെ…..???
