നീറിപ്പുകയുന്ന മനസ്സിൽ
ക്രൂരവചനങ്ങളുടെ തലോടൽ.
ലൗകീകസുഖത്തിനായി
ബന്ധങ്ങൾ മറക്കുന്ന
മനുഷ്യമ്യഗങ്ങൾ,
പൊന്തക്കാടുകളിൽ
നിന്നുയരുന്ന
കുഞ്ഞുനിലവിളികൾ .
നടപ്പാതകളിൽ
തേരട്ടകളുടെ ജാഥ.
മദ൦പൊട്ടിയോടുന്ന
കാലത്തിനൊപ്പ൦
എത്താനാവാതെ,
നിലച്ചു പോകുന്ന
ഘടികാരങ്ങൾ.
ദുഷ്കരമീ യാത്രയെങ്കിലും,
ഇടവഴികളിലെവിടെയോ
സുഗന്ധ൦ പൊഴിക്കുന്ന
നന്മമരങ്ങൾക്കു
എത്രനാളിനി വാളിനിരയാതെ
നിൽക്കാൻ പറ്റുമോ.?
സന്ദേഹങ്ങളുടെ ദിനങ്ങളെ
കൈപിടിച്ചു നടക്കാനിനി
മാന്ദ്യത്തിന്റെ ശോഷിച്ച
വിരലുകൾക്കാവുമോ?
ശാന്തി തേടിയെത്തുന്ന
ദേവാലയങ്ങളിലുമിന്നു
അശാന്തിയുടെ പുകച്ചുരുളുകള്‍
പടർത്തുന്നതാരാവു൦ .?
അഴിഞ്ഞാടുന്ന മനുഷ്യമൃഗങ്ങളെ
തളയ്ക്കാനിനി പ്രകൃതിയുടെ
വിളയാട്ടമുണ്ടാവുമോ .?
കലുഷിത മനസ്സിലെ ചിന്തകളേ
നിങ്ങൾക്കിനി വിട.
കാല൦ പടവാളെടുക്കട്ടെയിനി.
വിഷലിപ്തമാമീ ഭൂവിൽ
ജീവനുണ്ടെങ്കിൽ
നോക്കുകുത്തിയെപ്പോലെ
ജീവിച്ചു തീർക്കാനോ ..വിധി !!
