ഉണ്ണി പിറന്നേ ഉണ്ണിയേശു പിറന്നേ
ഇസ്രയേലിൻ നാഥനാകും ഉണ്ണി പിറന്നേ
വിണ്ണിലുയർന്നേ അങ്ങു വിണ്ണിലുയർന്നേ
മണ്ണിൽ പ്രകാശമേകും ദിവ്യ നക്ഷത്രം
(ഉണ്ണി… )
ആകാശത്തിൽ മാലാഖമാർ അണിനിരന്നേ
ആഘോഷത്തിൻ വേളയിതെന്നറിഞ്ഞിടുന്നേ
ആധികളും വ്യാധികളും മാറ്റിടുവാൻ
അനാഥർക്കു തുണയാകും ഉണ്ണി പിറന്നേ
(ഉണ്ണി…)
മാമലയിൽ മഞ്ഞുപെയ്യും രാത്രിയിതേ
മാലോകരോ കാത്തിരുന്ന പിറവിയിതേ
ആശംസകളോതിടുന്ന സമയമല്ലോ
ആഹ്ലാദങ്ങൾ പങ്കുവെക്കും വേളയല്ലോ
(ഉണ്ണി… )
🎄🌟🎈🎁🎄🎁🌟🎈🎄
🎄ഗീത മന്ദസ്മിത ✍️
