രചന:Shyla Kumari
ജന്മഭൂമിതൻ പുണ്യം
ഇമ്പമുള്ളൊരാ നാദം
നെഞ്ചിലാനന്ദമേകും
ഗന്ധർവ്വനാദമെങ്ങും
ഭൂമിയിൽ വന്നുദിച്ചു
നാദഭംഗി തൻ സൂര്യൻ
സ്വർഗം മണ്ണിൽ വിടരും
ആ നാദധാര ശ്രവിക്കേ
കാതുകൾക്കെന്തൊരിമ്പം
എന്തൊരാനന്ദമേളം
സങ്കടങ്ങളകലും
ഹൃത്തിലാനന്ദമേകുമെന്നുമാ ഗാനധാര
ഭൂമി കോരിത്തരിക്കും
ആ ശബ്ദഭംഗി കേൾക്കുമ്പോൾ
രോഗദുരിതമകലും
ആ ഗാനമാധുരിയിൽ ലയിക്കേ
ശുദ്ധിയുള്ളൊരു ഭാഷ
കണ്ഠനാദമാധുര്യം
അർപ്പണബോധമെല്ലാം
ഗാനഗന്ധർവ്വനു സ്വന്തം
ആയുരാരോഗ്യമോടെ
പരിലസിക്കട്ടേ പാരിൽ
ഗന്ധർവ്വ ഗായകന്റെ
ശബ്ദമാധുര്യമെന്നും.
81.ന്റെ നിറവിൽ പരിലസിക്കുന്ന മലയാളിയുടെ സ്വകാര്യ അഹങ്കാരത്തിന്,
ഗന്ധർവ്വ ഗായകന് ഹൃദയം നിറഞ്ഞ പിറന്നാൾ ആശംസകൾ… പ്രാർത്ഥന..
രചന:Shyla Kumari
