രചന : ഹരിദാസ് കൊടകര .
നാവിണങ്ങാൻ നാളെടുക്കും
നടനലിപിയിൽ നാടകം തിര
മുപ്പാരുവിട്ടൊഴിഞ്ഞിടം വേദി
ബ്രഹ്മജംവൃദ്ധി കണ്ടുകാഴ്ചകൾ
കരുണാഭരം ഉത്പതിഷ്ണു
പൊൻകിണ്ടിയിൽ ദാനനീർ
നിത്യതയ്ക്കായ് ശരശയനം
കാമദംജ്വരം സർഗ്ഗലീലകൾ
തന്നിബോധം അഴിപ്പാങ്കഥ
നദിയൊഴുക്കിന്നാഗോളവേഗം
അതിലെഴും ചുഴിക്കിനാവ്
കുതിരുമണ്വംശ നാദരാഗം
നാടകാംഗമോർക്കാൻ വരിപ്പ്
ഓർക്കാപ്പുറത്താറംഗവും തപം
ഏഴാംഗനായ് ദേശദിനം പാരം
അനുബന്ധം നഗ്നനിയതം രതി
ആദിവസ്ത്രമായുടൽ ശീലം
പുതഞ്ഞിരിക്കാൻ ഗൃഹംകൂട്
സൗരാംശനായ് വാലഖില്ല്യൻ
അനുരംഗം സപ്തർഷികൾ
കുറുകുന്നൂ കേളിയിമ്പം കളികളും
തിരശ്ശീലപ്പുറം ചതുര്യുഗം ചട്ടവും
സ്വായംഭുവൻ ശതരൂപ ബിന്ദുവും
അന്ത്യമായ് ചാക്ഷുഷൻ വേദിയും
കർമ്മംകോടിയ കണ്ണിയുമെണ്ണമായ്
മുഷിഞ്ഞുണങ്ങും ഘനവഴിനാടകൾ
ഉച്ചഗേഹസ്ഥിതം സാമാന്യമാനവം
സ്ഥാപിയായിതും വർത്തുളം വേരുകൾ
ലിപിലിഖിതം വട്ടമെഴുത്തുകൾ
നല്ലെഴുത്തായ് തിരനോട്ടനാടകം
കുളയട്ടപോലിതന്നവേശം സരി
കണ്ടുകൊണ്ടതും ഭൂവൃത്തവേദികൾ
സത്യവ്രതനായ് തോണിയമരുന്നതും
നോഹാ, യുനുസു നബീ പേടകങ്ങളും
ബോധ്യവേദാന്തം നഗ്നസമാനത
ഉൾപ്പൂവിങ്കലണയുന്ന നൗകൾ
ഉൾനേരിലാലിണക്കം കുടിലുകൾ
ലോപവിധികൾക്കുമാവില്ല നാശനം
മുന്നമൊരുക്കിതും മാനവൻ മന്മയം
അഴിപ്പാങ്കഥക്കും അനുബന്ധമുത്തരം
ഭൂതങ്ങളഞ്ചിലും ഗന്ധവത്ത്വം ഭുവി.
