കവിത : സിജി ഷാഹുൽ*
ടർർർർർ ടണ്ടണ്ട
വന്നേനരുണൻ വന്ദനമോടെ മഹാസഭതന്നിലിരുന്നരുളീടുക
നന്നേ തമസ്സു പിരിഞ്ഞുകഴിഞ്ഞാലങ്ങേ മാമല തന്നിലിരിക്കുക
കുന്നായ്മക്കാരുണരും
നേരം
കണ്ടു ചിരിക്കാം ഹരി പുര നാഥാ
വന്നേനിവളും ഒന്നു ചിരിക്കാൻ
ഹാസ്യതരംഗം ഒഴുകും വേദിക
കണ്ടിവളുണ്ടൊരു കാര്യം പറവാൻ
മുന്പേ വന്നവരെല്ലാം
ചൊല്ലി
കാലേ വന്നവരന്നേരത്തിൽ
ചൊല്ലി പിന്നെ നടത്തിയതില്ലീ
ഭൂമിയിലില്ലാ
വസ്തുതയൊക്കെ
കൊണ്ടുപിടിച്ചു നടത്തീ
ടണ്ടണ്ടണ്ടടടർർർർർടണ്ടടണ്ടണ്ടട ടർർർർ
വിണ്ടൂ സൗഹൃദ സീമയിലെത്തിയ ചതിയും വഞ്ചന ക്രൂരതയൊക്കെ
വന്നു ഭവിച്ചൊരു ആഘാധത്താൽ
പോയീ പ്രണയം
വന്നൂ പ്രളയം
ടണ്ടണ്ടടടണ്ടണ്ടർർർർ
കുന്തിച്ചവരുടെയഹങ്കാരക്കുന്നടിപതറി കടലെടുത്തു തിരിഞ്ഞൂ
പോയതുകണ്ടവരെഴുന്നേറ്റൂക്കോടെത്തീ മലയിൽ കലാപക്കൊടി നാട്ടീ നാട്ടിൽ വളർത്തി പരത്തീ വിദ്വേഷത്തീ
വനവംശജരുടെ പ്രാർത്ഥന ഭൂമീ
ദേവിഹൃദയം ഉരുകിയൊലിച്ചൂ
വന്നൂ ടണ്ടണ്ടണ്ടണ്ട ടർർർർർർ ടണ്ടണ്ട
കോവിഡെടുത്തു
അമ്മാനംകളി താഴേനിർത്താതതാശു തുടങ്ങി
മരണം നിലവിളി യാഥാർത്യങ്ങൾ ക്കിടയിൽ നമ്മൾ ചിരിക്കാൻ പഠിച്ചു
ചിരിയില്ലാത്തൊരു ആളുകളൊക്കെ കോവിഡുസെന്ററു നോക്കിപ്പാഞ്ഞു
വാക്കയ്പൊത്തില്ലെന്നൂക്കു പറഞ്ഞവർ
വായും മൂക്കും വീണ്ടും പൊത്തി
ചിരിക്കാനുള്ളൊരു വിഭവം നോക്കി
ട്രിക്കുകളഴിക്കും ചാനലുനോക്കീ
അത്ഭുതസിദ്ധികളൊക്കെയഴിക്കും
“കുടമാറ്റ”ങ്ങൾ കണ്ടുചിരിച്ചു
ടണ്ടണ്ടണ്ടണ്ടട ടർർർ ടർർർ ടണ്ടണ്ടണ്ടണ്ടട ടർർർ