🌳 അവിട്ടം, ചിന്തിയ്ക്കുമ്പോൾ🌳

രചന : കൃഷ്ണമോഹൻ കെ പി ✍

അക്ഷമകാട്ടാതെയീ ഓണനാളുകളിലൊന്നായ്
അസ്തമയത്തെ കാത്തു നിന്നൊരീ അവിട്ടം ഞാൻ
അഗ്രജന്മാരേയെന്നാൽ ഒന്നു ഞാനറിയുന്നൂ
അന്നേരമോണത്തിൻ നാൾ വിളമ്പിയ വിഭവങ്ങൾ
അന്നതു തീരാത്തതിൽ ജലതർപ്പണം ചെയ്ത്
അന്നദാനമതായ്, മമ പൈദാഹശാന്തിയ്ക്കായി
അവിട്ടക്കട്ടയുമാ, പഴങ്കൂട്ടാനുമായി
അവിടുന്നെന്നിലയിലായ് വിളമ്പി നിന്നീടുമ്പോൾ
അറിയാതെൻ മിഴികളിൽ
സ്വപ്നങ്ങൾ…മറയുന്നൂ
അലിവുള്ള ഹൃദങ്ങളേ, ഭക്ഷണ ദാനം പുണ്യം
അറിയുമോ മഹാത്മാക്കൾ എന്നുടെ ഹൃദന്തത്തെ
അറിഞ്ഞാലുമില്ലെങ്കിലും
നിങ്ങളീ വിളമ്പുന്ന
അവിട്ടക്കട്ടയെന്ന പഴങ്കഞ്ഞി അമൃതത്രേ
അറിയാതെയാണെങ്കിലും കറികളെയെല്ലാം കൂട്ടി
അടുപ്പിലായ് തിളപ്പിച്ച പഴങ്കൂട്ടാൻ മരുന്നല്ലേ
അവിട്ടം അമൃതായി ഭവിക്കും ജനങ്ങളേ
അവിട്ടം നാളുകാരേ
നിങ്ങളും മഹാഭാഗ്യർ🌳🌹