👑ഉയരുന്നൂ മോഹപതംഗം👑

രചന : കൃഷ്ണമോഹൻ കെ പി ✍️

🌹മേഘത്തിൻ കുളിരലമേലേ
മോഹത്തിൻ,കളിവഞ്ചിയതായ്
ആലോല നർത്തനമാടീ
ആകാശച്ചന്ദ്രികമെല്ലേ
(മേഘത്തിൻ കുളിരല മേലേ…)

അവനീശ്വരി കണ്ടു ചിരിച്ചൂ
കമിതാക്കൾ പുളകിതരായീ
ഹൃദയത്തിൻ മണിവീണയിലെ
സ്വരരാഗ തന്ത്രിയുണർന്നൂ
(മേഘത്തിൻ കുളിരല മേലേ)

ഒരു മധുരസ്വപ്നം പോലെ
അഴകിയലും പ്രകൃതിയൊരുങ്ങീ
അവളുടെയാ,മനതാരിങ്കൽ
അനുരാഗം പൊന്നൊളി വീശീ
(മേഘത്തിൻ കുളിരല മേലേ)

ലയതാള സ്വര നിർഝരിയാൽ
മുഖരിതമായ് വിണ്മണ്ഡലവും….
മധുരിക്കും ഓർമ്മയിൽ മുങ്ങി
ഉലകെല്ലാം നിർവൃതി പൂകീ
(മേഘത്തിൻ കുളിരലമേലേ…)🌹