🌹 ഭരണഘടന ദിനം 🌹

രചന : ബേബി മാത്യു അടിമാലി✍️

ഭരണഘടന ദിനംനമുക്ക്പ്രതിജ്ഞയെടുക്കാംഭരണഘടനയുടെസംരക്ഷകരാകാം.

ഭാരത നാടിൻ പൗരന്മാരുടെ
സ്വാതന്ത്ര്യത്തെ ഉറപ്പിക്കാൻ
ഭരണഘടന രചിച്ചു നൽകി
പണ്ഡിതനായ അംബേദ്ക്കർ
അവകാശങ്ങൾ സംരക്ഷിക്കാൻ
മതേതരത്വം നിലനിർത്താൻ
പിറന്ന നാട്ടിൽ നിർഭയമായി
അന്തസ്സോടെ ജീവിക്കാൻ
നാനാത്വത്തിൽ ഏകത്വം
ഉറപ്പു നൽകുന്നീ ഗ്രന്ഥം
ഭരണഘടന മൂല്യങ്ങൾ
സംരക്ഷിക്കണമെന്നെന്നും
അടിമത്വത്തിൻ കാൽചങ്ങലകൾ
പൊട്ടിച്ചെറിയണമെന്നേയ്ക്കും
പ്രതിജ്ഞ ചൊല്ലാം ഒന്നിച്ചൊന്നായ്
സംരക്ഷകരായ് നിൽക്കും നാം
നമ്മുടെ ഭരണഘടനയുടെ
നമ്മുടെ സ്വാതന്ത്ര്യത്തിൻ്റെ