🙏മഹാശിവരാത്രി 🙏

രചന : പട്ടം ശ്രീദേവി നായർ ✍

ആദി രൂപ ശങ്കരം..
മഹാശക്തി ശങ്കരം
ശങ്കരസ്വരൂപനേ….
ആദി ശങ്കരപ്രഭോ….
ശിവ സ്വരൂപ ശങ്കരം..
ഭയങ്കരം കൃപാകരം..
ഭയാകരം ദയാ കരം..
ക്ഷമാകരം ശ്രീകരം….
ആദിരൂപം അന്തരൂപം
ചിന്തകൾക്കതീതരൂപം
ആദിശക്തിദേവനേ..
ശിവസ്വരൂപ ശംഭുവേ..
അന്തകാലമന്തരംഗേ
അത്തലില്ലാതാക്കവേണം.
അന്തരാത്മാവന്നതിൽ
ഭവത്സ്വരൂപ ചിന്ത വേണം…..
കാശിനാഥ ദേവനേ…
ഭൂതനാഥ ദേവനേ….
കാത്തരുളീടണേ…
ശ്രീശിവസ്വരൂപമേ….
പാർവ്വതീ വല്ലഭാ,
സർപ്പഭൂഷണ പ്രഭോ…
നന്ദിദേവ, നായകാ…
സമസ്തപാപനാശകാ.
ശ്രീഗണപതി പിതാ..
ത്രിലോകദേവനാഥാനീ
ശ്രീമുരുക താതനേ…
ദേവ നീ മഹേശ്വരാ…..
ശിവ,ശിവ,ശിവ,
ശിവ,ശിവ,ശിവ
സ്വരൂപമേ
ശിവ ശിവ ശിവ ശിവ
ശങ്കര നമോ നമഃ
ശുഭം