തീർത്ഥയാത്ര

രചന : ഉഷ കെ പി മെഴുവേലി ✍

കഷ്ടങ്ങളേറെ സഹിച്ചു ഞാൻ
കാലങ്ങളോളം തുഴഞ്ഞ്നീങ്ങി
കൈപ്പും മധുരവും മോന്നിച്ചുപങ്കിട്ട
കാന്തന്നെങ്ങോ മറഞ്ഞുപോയി

കാലങ്ങൾ പിന്നിട്ടു കാര്യകാരേറെയായി
കുത്തുവാക്കുകൾ ശരമായിപ്പതിച്ചു
കുന്നോളം സ്വപ്നങ്ങൾ കണ്ടതെല്ലാം
കണ്ണുനീർ ചാലായിയെഴുകി മാഞ്ഞു

കൂട്ടുകാരോക്കെ വരാതെയായി
കുശലം പറയാനിന്നാരുമില്ല
കുന്നിറങ്ങുന്നു ഞാനേകയായി
കൂടാരം വിട്ടൊരു തീർത്ഥയാത്ര…