🌹”മറയുമീ നിമിഷദലങ്ങൾ”🪷

രചന : കൃഷ്ണ മോഹൻ കെ പി ✍️

🌹പ്രഹരങ്ങളേറ്റു തളർന്നുവീണോർ
പ്രബലരായ്ത്തീരുമൊരു ദിനത്തിൽ
പ്രിയമുള്ളോരാരാനും കൂട്ടിനുണ്ടേൽ
പ്രപഞ്ചം മനസ്സിലുണർന്നെണീക്കും
പ്രണയം പരിണയമായി മാറാം
പരിഭവം മെല്ലെയകന്നു പോകാം
പുതുനെൽക്കതിരിൻ പുടവ ചൂടി
പതിയെയാപ്പാടങ്ങൾ പുഞ്ചിരിക്കാം
പതയുന്ന വീഞ്ഞിൻ ലഹരി തന്നിൽ
പതിയെ പ്രതീക്ഷകൾ മാഞ്ഞു പോകാം
പുതുമലർ പോലെ വിരിഞ്ഞു നില്ക്കാൻ
പരിചൊടാ ഭാവനാ മൊട്ടിനാശ
പതിയെപ്പതിയെക്കടന്നു പോകും
പുതുതാംനിമിഷങ്ങൾ നിർവൃതിയായ്
പരിമൃദുപവനൻ തലോടിടുമ്പോൾ
പുരളുന്നു പരിമളം , മൃദുമേനിയിൽ🪷