🙏 കാഷ്മീർത്താഴ്വര- കണ്ണീർത്താഴ്വര🙏

രചന : ബേബി മാത്യു അടിമാലി✍

സോദരീ , നിന്നുടെ വേദനകൾ
അറിയുന്നു ഞങ്ങൾ
ഭാരതമണ്ണിന്നോരോതരിയും
കരയുകയാണിന്ന്
വർഗ്ഗീയതയുടെ പേരിലൊഴുക്കിയ
ചോരപ്പുഴകൾ കണ്ടില്ലേ
നീചന്മാരാം വിധ്വംസകരുടെ
കൂട്ടക്കുരുതികൾ കണ്ടില്ലേ
തുടരുന്നിവിടെ മതാന്ധതതന്നുടെ
നരഹത്യകളും മതഭ്രാന്തും
എത്ര മനുഷ്യർ പിടഞ്ഞുതീർന്നു
ഭാരതമണ്ണിൻകണ്ണീരായ്
ഇല്ല പൊറുക്കുകയില്ലീ നാട്
ശപഥം ഞങ്ങളു ചെയ്യുന്നു
ഭീകരവാദത്തിൻവേരുകളെ
പിഴുതെടുത്തുനശിപ്പിക്കും
ഇനിയും നമ്മുടെ സോദരിമാരുടെ
കണ്ണീർ വീഴ്ത്തുകയില്ലിവിടെ
പറക്കമുറ്റാകുഞ്ഞുങ്ങൾക്ക്
അച്ഛനെ നഷ്ടപ്പെടുകില്ല
ഭീകരവാദത്തിന്നെതിരെ
നേരിൻവാൾത്തല നീട്ടിക്കൊയ്യാൻ
സംഘടിക്കുക നാം ഒന്നായ്
ശക്തരാവുക നാം ഒന്നായ്